DELF/DALF

1.1. რეგისტრაცია

კანდიდატმა რეგისტრაცია უნდა გაიაროს საგამოცდო ცენტრში (საქართველოს ფრანგული ინსტიტუტი) რეგისტრაციის ვადის ამოწურვამდე. რეგისტრაცია ძალაში შედის გამოცდის საფასურის რეგისტრაციის ვადებში გადახდის შემდეგ. კანდიდატს შეუძლია ერთი და იმავე დონის გამოცდაზე ხელმეორედ გამოსვლა მხოლოდ მას შემდეგ, რაც წერილობით უარს იტყვის უკვე მიღებულ დიპლომზე. შეუძლებელია გამოცდის მხოლოდ რომელიმე ნაწილის ხელახლა ჩაბარება.

1.2. 1.2. კანდიდატის პირადი მონაცემები

ჩაწერის ბარათი უნდა შეივსოს ყურადღებით, მოთხოვნილი ინფორმაციის სრულად მითითებით. ორმაგი მოქალაქეობის მქონე კანდიდატებმა ყოველ სესიაზე სურვილისამებრ უნდა მიუთითონ ერთ-ერთი მათგანი. ტექნიკური მიზეზებიდან გამომდინარე, შეუძლებელია ორივე მოქალაქეობის მითითება. რეგისტრაცია და მისი დამოწმება უნდა განახორციელოს თავად კანდიდატმა ან მისმა უფლებამოსილმა წარმომადგენელმა. რეგისტრაციისთვის საჭირო საბუთების ჩამონათვალი ხელმისაწვდომია საგამოცდო ცენტრის (საქართველოს ფრანგული ინსტიტუტი) ვებგვერდზე www.institutfrancais.ge რუბრიკაში «DELF-ის და DALF-ის გამოცდები». არასრული დოკუმენტაციით რეგისტრაცია არ ჩატარდება. ნებისმიერი ცვლილება სახელსა და გვარში ან ნებისმიერი სხვა შესაძლო ცვლილება საგამოცდო ცენტრს (საქართველოს ფრანგული ინსტიტუტი) უნდა ეცნობოს არაუგვიანეს გამოცდის დღისა.

2.1. გამოცდების განრიგის კანდიდატებისათვის გაცნობა

კანდიდატები თავად ეცნობიან წერითი და ზეპირი გამოცდების ზუსტ განრიგს საგამოცდო ცენტრის (საქართველოს ფრანგული ინსტიტუტი) ვებგვერდზე, გამოცდების დაწყებამდე დაახლოებით 10 დღით ადრე. როგორც წესი, კანდიდატები უნდა გამოცხადდნენ ერთი და იმავე დღის განმავლობაში: დილას წერით გამოცდებზე, დღის მეორე ნახევარში კი ზეპირ გამოცდებზე. კანდიდატების დიდი რაოდენობის შემთხვევაში, ზოგიერთი გამოცდა შეიძლება გადანაწილდეს ორ დღეზე.

2.2. კანდიდატის მიერ გამოცდის განრიგის შეცვლის მოთხოვნა

შესაძლებელია მხოლოდ ზეპირი გამოცდის განრიგის შეცვლა და ისიც მხოლოდ ფორსმაჟორულ სიტუაციაში კანდიდატის მიერ სათანადოდ დასაბუთებული თხოვნის საფუძველზე, გამოცდამდე მინიმუმ 3 დღით ადრე.

3.1. რეგისტრაციის გაუქმება

რეგისტრაციისას გადახდილი თანხის დაბრუნება არ ხდება. თანხის გადახდამდე, კანდიდატი დარწმუნებული უნდა იყოს, რომ მითითებულ დღეებში იგი შეძლებს გამოცდაზე მოსვლას. თუ კანდიდატი არ ან ნაწილობრივ გამოცხადდება გამოცდაზე, იგი ჩაჭრილად გამოცხადდება და მას გამოცდის საფასური არ დაუბრუნდება. შეუძლებელია რეგისტრაციის ერთი საგამოცდო სესიიდან მეორეზე გადატანა.

3.2. დაგვიანება და არგამოცხადება

კანდიდატები საგამოცდო ცენტრში უნდა გამოცხადდნენ წერითი გამოცდის დაწყებამდე 30 წუთით და ზეპირი გამოცდის დაწყებამდე 10 წუთით ადრე. კანდიდატი, რომელიც გამოცხადდება გამოცდის დაწყების შემდეგ, არ დაიშვება საგამოცდო ოთახში.

4.1. კანდიდატის იდენტობის კონტროლი

წერით და ზეპირ გამოცდაზე გამოცხადებისას, კანდიდატს თან უნდა ჰქონდეს გამოცდაზე ჩაწერის ბარათი და პირადობის დამადასტურებელი საბუთი ფოტოთი (პირადობის მოწმობა, პასპორტი, მართვის მოწმობა, სტუდენტის ბარათი, მოსწავლის ბარათი). კანდიდატები, რომლებიც არ წარმოადგენენ პირადობის დამადასტურებელ საბუთს ფოტოთი, არ დაიშვებიან გამოცდაზე და გამოცდის საფასური არ აუნაზღაურდებათ. კანდიდატმა გამოცდის დღეს უნდა შეამოწმოს იმ პირადი ინფორმაციის სიზუსტე, რომელიც შემდგომში დიპლომზე აისახება. შეცდომა, რომლის შესახებაც კანდიდატი გამოცდის დღეს არ მიუთითებს, არ გასწორდება.

4.2. გამოცდების მსვლელობა

ფანქრით შესრულებული ნაწერი არ გასწორდება. შავად ნაწერი არ გასწორდება და არც შეფასდება. აკრძალულია ნებისმიერი პირადი ნივთის (გამოცდის მიღმა შესრულებული ჩანაწერები, ლექსიკონი და სხვ.) გამოცდაზე შეტანა. ერთენოვანი ლექსიკონის გამოყენება ნებადართულია მხოლოდ DALF C1–ის ზეპირ გამოცდასა და DALF C2–ის ორივე გამოცდაზე. აკრძალულია მობილური ტელეფონის ან სხვა ელექტრონული მოწყობილობის გამოყენება. არ შეიძლება გამოცდის მსვლელობისას საგამოცდო ოთახის დატოვება. გამოცდის მსვლელობისას კანდიდატებს შორის ურთიერთობა მკაცრად აკრძალულია. ზემოაღნიშნული წესებიდან რომელიმეს დარღვევა გამოიწვევს თქვენი გამოცდის შედეგების გაუქმებას.

5.1 Transmission des résultats ?????? (barré dans le document de traduction = à supprimer ?)

შედეგები გაეგზავნება გამოცდების დასრულებიდან დაახლოებით 5 კვირაში. შედეგების გამოქვეყნება ანონიმურია და მითითებულია მხოლოდ კანდიდატის ნომერი. კანდიდატებმა უნდა შეინახონ ჩაწერის ბარათი შედეგების გამოქვეყნებამდე. შედეგების შესახებ ინფორმაცია ტელეფონით არ გაიცემა. კანდიდატებს დიპლომის აღება შეეძლებათ საგამოცდო ცენტრში(საქართველოს ფრანგული ინსტიტუტი) შედეგების გამოქვეყნებიდან 2 თვეში. დიპლომის გატანა შეუძლია კანდიდატის წარმომადგენელ პირსაც. დიპლომის გაცემამდე, კანდიდატის დასაბუთებული მოთხოვნის საფუძველზე (საფრანგეთის უნივერსიტეტში ჩასაბარებლად დოსიეს მომზადება და სხვ.) შეიძლება გაიცეს დროებითი სერტიფიკატი.

ნაწერის გაცნობა ნებადართულია მხოლოდ გამოცდაზე ჩაჭრის შემთხვევაში, გამოცდების შედეგების გამოქვეყნებიდან 10 დღის ვადაში. კანდიდატმა უნდა ითხოვოს შეხვედრა გამოცდების ცენტრში (საქართველოს ფრანგულ ინსტიტუტში). მხოლოდ კანდიდატს ენიჭება უფლება, გაეცნოს ნაწერს და ისიც ცენტრის თანამშრომლის თანდასწრებით. მცირეწლოვან კანდიდატებს შეიძლება ახლდეს მშობელი ან მეურვე. შეუძლებელია მთლიანი ნაშრომის ან მისი ნაწილის ფოტოასლის კანდიდატისთვის გადაცემა.

საგამოცდო კომისიის გადაწყვეტილება საბოლოოა და გასაჩივრებას არ ექვემდებარება. კანდიდატს შედეგების გასაჩივრება შეუძლია მხოლოდ მატერიალური ან ტექნიკური შეცდომის შემთხვევაში. საჩივრის წერილი, სადაც ჩამოთვლილი იქნება ფაქტები და მიზეზები (ფრანგულ ენაზე B2 დონიდან) უნდა გაეგზავნოს საგამოცდო ცენტრს (საქართველოს ფრანგული ინსტიტუტი) გამოცდების შედეგების გამოქვეყნებიდან 10 დღის განმავლობაში.

საგამოცდო ცენტრი (საქართველოს ფრანგული ინსტიტუტი) იძლევა კანდიდატის პირადი მონაცემების გაფრთხილებისა და დაცვის გარანტიას. პირადი მონაცემები გამოიყენება მხოლოდ ადმინისტრაციული საქმიანობისთვის საქართველოში საგამოცდო ცენტრსა და საფრანგეთში CIEP –ში.